اسلام آباد۔ 02 نومبر (اے پی پی) چیئرمین سینیٹ محمد صادق سنجرانی بلوچستان نا علاقہ خاران اٹی دھماکہ نا ترند انگا لوز آتے ٹی مذمت ءِ کرینے۔ سے شنبے نادے آ سینیٹ سیکرٹریٹ نا کنڈآن جاری بیان نارداٹ چیئرمین سینیٹ پارے کہ داوڑنا لغوری تخریبی کارروائی تیان ملک و خاص کر بلوچستان نا امن ءِ نسخان تننگ نا ہرکوشست بے سہب مریک، دہشت گرد آک تینا ناپاک مسخت آتے ٹی اسُل سرسہب مفسہ، دہشت گرد آک مچ آ انسانیت نا دشمن ءُ۔ اوزہمی خاہوت تون ہمدردی نا درشانی ءِ کرے۔ چیئرمین سینیٹ دھماکہ ٹی ٹھپی مروک آتا زوت دراخ جوڑی کن دعا کرے۔ اوتعلقدار ادارہ غاتے ٹھپی مروک آتے گچین طبی آسراتی تا فراوانی نا پارت ہم کرے۔ ڈپٹی چیئرمین سینیٹ مرزا محمد آفریدی، قائد ایوان ڈاکٹر شہزاد وسیم و قائد حزب اختلاف سید یوسف رضاگیلانی ئسک ہم بلوچستان نا علاقہ خاران اٹی دھماکہ نا ترند انگا لوز آتے ٹی مذمت ءِ کرینو۔
