اسلام آباد۔ 02 نومبر (اے پی پی) وزیر مملکت حوالکاری و شینکاری فرخ حبیب پارینے کہ وزیراعظم عمران خان نا برآمد آتیا خاص چکار نا سوب آن کورونا نا دین آن پد ہم برآمد آتے ٹی ودکی مننگ ءِ۔ وزیر مملکت تینا ٹویٹ اٹی پارے کہ جولائی آن اکتوبر برآمد آتا کچ 9.5ارب ڈالر ءِ۔ اوپارے کہ برآمد آتا کچ تدوک آ سال آن 25 درسد زیات ءِ۔ وزیر مملکت پارے کہ اکتوبر اٹی برآمدآک 17.5 درسد ودکی اتون 2.471 ارب ڈالر ئسر۔ اوپارے کہ 2.471ارب ڈالر نا ریکارڈ ہراکتوبر نا تُوانا غٹ آن بڑز ریکارڈ ءِ۔
