واشنگٹن۔ 09 اپریل (اے پی پی) امریکہ تینا بحری بیڑہ ئِ جزیرہ نما کوریا غا رادہ کننگ نا حکم تسنے ، داگام انا مسخت قطبی کوریا ئِ صفائُ کلہو اس تننگ نائِ۔ میڈیا رپورٹ نا رداٹ دی کارل ونسن اسٹرائیک گروپ ئِ سنگاپور آن آسٹریلیا نا کنڈآ رادہ مروئی ئس ولے امریکی پیسفک کمانڈ دا بیڑہ ئِ قطب انا کنڈاہِننگ نا حکم تس ۔ کمانڈ تھرڈ فلیٹ نا شعبہ ابلاغ نا ڈائریکٹر کمانڈ رڈیوبنہم پارے کہ تھرڈ فلیٹ نا جہاز دیکی بحر الکاہل اٹی امریکی مفاد آتا رکھ اکن پیش گامی کیک۔ دا گروپ اٹی یو ایس ایس کارل ونسن پنی ئُ جہاز اس بردار تون اوار مسہ مزائل شکن بحری جہاز ہم اوار ئُ۔
