اسلام آباد۔ 02 نومبر (اے پی پی) بنجائی وزیر حوالکاری و شینکاری چوہدری فواد حسین پارینے کہ ساڑی آ تنکی ٹی مین سٹریم میڈیا زمواری و احتیاط نا درشانی ءِ کرے، سچ ءِ زمواری اٹ بیان کننگ ہی صحافت ءِ۔ سے شنبے نادے آ تینا اسہ ٹویٹ اسے ٹی بنجائی وزیر حوالکاری پارے کہ ساڑی آ تنکی ٹی پاکستان نا مین سٹریم میڈیا ہرازمواری و احتیاط نا درشانی ءِ کرے ای وزارت حوالکاری نا کنڈآن میڈیا نا منت واری ءِ ہرفنگ خواوہ، اگہ میڈیا داوڑنا تنکی تیٹی زمواری نا درشانی ءِ کپ تو حکومت آتا مشکل آک بھاز ودنگ کیرہ، سچ ءِ زمواری اٹ بیان کننگ ہی صحافت ءِ۔
