اسلام آباد۔1نومبر (اے پی پی):مزن وزیر عمران خان ءَ معاشی ٹیمب ءَ را پنت ءُ شون کت کہ الس مردم ءَ را ریلیف پجاری ءِ واستہ ھمک رنگیں گامگیج آناں دل یکیمی جوڑ کنگ بہ بیت، معاشی دیمروئی ءِ واستہ ارزشتی ایں میکرو اکنامک ٹک آنی برجائی ءِ سر ءَ دلگوشی انت، دو شمبے ءَ مزن وزیر عمران خان ءِ سروکی ءَ ملک ءِ ھواریں معاشی جاور ھال آنی سر ءَ چار ءُ بچاری دیوان ءِ برجم دارگ بوت۔ دیوان ءَ بنجاھی وزیر اقتصادی کار عمر ایوب خان، بنجاھی وزیر ھاٹیگ محمد حماد اظہر ، بنجاھی وزیر صنعت ءُ پیداوار مخدوم خسرو بختیار، بنجاھی وزیر اھوالکاری ءُ شنگ کاری چوہدری فواد حسین، بنجاھی وزیر راجی وردن ءُ وراک ءِ رکھینوک سیّد فخر امام،بنجاھی وزیر منصوبگ بندی ،دیمروئی گامگیج اسد عمر ، مشیر تجارت عبدالرزاق داوئو، مشیر ھزانک شوکت فیاض ترین مزن وزیر ءِ ھاسیں کمکار ڈاکٹر شہباز گل، گورنر سٹیٹ بینک ڈاسکٹر رضا باقر ءُ ٹوھیں کارندہ آں بھر زوری کت۔ مزن وزیر ءَ را معاشی ٹیمب ءِ نیمگ ءَ میاں اوستمانی مارکیٹ ءَ گران بھائی ءُ گیش بوھوکیں پٹرولیم ءِ قیمت آنی سر ءَ بریفنگ دیگ بوت۔ وھدیکہ آئی ءَ ملک ءِ ھواریں اقتصادی جاور ھال آنی سر ءَ بریفنگ ھم دیگ بوت۔ مزن وزیر عمران خان ءَ اے موہ ءِ سر ءَ گوشت کہ حکومت ءَ را کورونا وائرس ءِ ھوپ ءِ گوما گر ءُ چیل بوھگ ءِ واستہ گامگیج جوانیں کتگ، کورونا وائرس ءِ ھوپ ءُ میاں اوستمانی مارکیٹ ءَ ھمروچگیں وردنی چیز ءُ پیٹرولیم ءِ گران بھائیں قیمت آنی تہ ءَ سک باز گیشی ءَ ابید حکومت قیمت آناں کم کنگ ءِ واستہ گامگج چست کنگ ءَ انت۔ مزن وزیر ءَ گوشت کہ معاشی دیمروئی ءِ واستہ ارزشتی ایں میکرو اکنامک ٹک آنی برجائی ءِ پد ءَ جوانیں دلگوشی انت۔ آئی ءَ گوشت کہ معاشی ٹیمب ءَ را پنت ءُ شون کتگ کہ لس مردم ءَ را ریلیف دیگ ءِ واستہ ھمک رنگیں گامگیج آناں پکو کنگ ءَ دل یکیمی کنگ بہ بیت۔
