کوئٹہ۔ 01 نومبر (اے پی پی) وزیراعلیٰ بلوچستان میر عبدالقدوس بزنجو مچ آ صوبہ ٹی ہیلتھ کارڈ زوت آن زوت جاری کننگ نا پارت کرینے۔ سی ایم ہاؤس آن جاری بیان نا رداٹ وزیراعلیٰ ہیلتھ کارڈ جاری کننگ نا بابت محکمہ جان جوڑی آن رپورٹ ءِ بٹنگانے، کارڈ انا جاری کننگ نا پالیسی نا بارواٹ غٹ تعلقدار امور تے دمدستی وڑاٹ حتمی دروشم اس تننگے۔ بیان نا رداٹ میر عبدالقدوس بزنجو نا پاننگ ءِ کہ صوبہ نا الس ءِ جان جوڑی نا آسراتی فراوان کننگ اٹ ہروڑنا گام گیج کننگے، الس ءِ اولیتی بنداو تیا جان جوڑی، تعلیم و زند انا ایلو بنداوی آسراتی تے فراوان کننگک۔
