کوئٹہ۔ 01 نومبر (اے پی پی) گورنر بلوچستان سید ظہور احمد آغا پارینے کہ مشکل نا داساہت اٹی ہرنائی نا زمی جمب نا زہمیک تینے تنیا تکپس۔ احساس کیش ریلیف پروگرام نا بنائی دود آن تران کرسا گورنر پارے کہ ہرنائی ٹی زہمی خاہوت آتا دمدستی بحالی ننا اولیت آتے ٹی اوار ءِ، احساس کیش ریلیف پروگرام پیدوار درشانی ءِ کہ بنجابلوچستان ءِ اخہ در اہمیت ایتک۔ اوپارے کہ زہمی تیکن احساس ریلیف کیش پروگرام نا بناءِ وزیراعظم نا پارت آ کننگانے، زمی جمب زہمی خاہوت آتے 12 ہزار روپئی کیش تننگ انگ ءِ۔ اوپارے کہ زمی جمب آن دمدستی پد پاک فوج، ضلعی انتظامیہ، این ڈی ایم اے، پی ڈی ایم اے و ریسکیو ادارہ غاک مشکل حالیت آتے ٹی مخلوق ءِ ریسکیوکریر ہراڑکن غٹ ادارہ غاک، آفیسر آک و ورناک خراج تحسین نا حقدار ءُ۔ گورنر بلوچستان پارے کہ زمی جمب اٹی مروک آ جانی و مالی نسخان و زہمی خاہوت آتا ڈکھیائی نا احساس ارے و کوشست ءِ کہ زہمی ہند وماڑی تے مست آن زیات گچین جوڑ کننگے۔ داوخت آ گورنر بلوچستان ہرنائی زہمی جمب آن زہمی علاقہ غاتا فضائی دورہ ءِ ہم کرے و زمی جمب زہمی تیٹی کمکی گڑاہم بشخا۔ دورہ ٹی پی ٹی آئی نا صوبائی اسمبلی نا باسک میر نصیب اللہ مری، ڈائریکٹر جنرل پی ڈی ایم اے نصیر احمد ناصر، ڈائریکٹرجنرل بے نظیر انکم سپورٹ پروگرام عبدالجبار و ڈی سی ضلع ہرنائی سہیل ہاشمی ہم گورنر بلوچستان تون اوار ئسر۔
