اسلام آباد۔ 01 نومبر (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ گلگت بلتستان نا الس بے مٹ قربانی تا کمک اٹ ڈوگراراج آن آجوئی دوئی کرے، داجاگہ نا اُلس مدام پاکستان تون تینا تعلقداری نا درشانی ءِ کرینے، گلگت بلتستان ءِ قدرت بے پناہ وسیلہ تسنے۔ دوشنبے نادے آ گلگت بلتستان نا آجوئی دے انا وخت آ بنجائی وزیر خصوصی کلہو اٹی پارے کہ گلگت بلتستان نا الس بے مٹ قربانی تا کمک اٹ ڈوگراراج آن آجوئی دوئی کرے، داجاگہ نا الس مدام پاکستان تون تینا تعلقداری نا درشانی ءِ کرینے، گلگت بلتستان ءِ قدرت بے پناہ وسیلہ تسنے۔ علی امین گنڈاپور پارے کہ عمران خان نا حکومت گلگت بلتستان اٹی ارب آ روپئی نا شونداری ڈٹ آتا بناءِ کرینے، 370 ارب روپئی نا شونداری ڈٹ آتیان شونداری و شونہالی نا پوسکن آ دور بناکننگ ءِ، دا علاقہ سی پیک نا بیس کیمپ و پاکستان نا زرگزرانی حب مریک۔ اوپارے کہ گلگت بلتستان ءِ عبوری صوبہ نا درجہ تننگ کن پیش رفت ترندی اٹ برجاءِ، عبوری صوبہ نا جوڑ مننگ آن داجاگہ نا الس نا متکن آ است خواہیک پورو مریرہ۔ اونا پاننگ ئس کہ بنجائی حکومت گلگت بلتستان نا شونداری و شونہالی کن غٹ ممکن وسیلہ فراوان کننگ ءِ۔
