سرینگر۔ 01نومبر (اے پی پی) غیرکانودی وڑاٹ بھارتی نا کوزہ گیری ٹی جموں و کشمیر اٹی بھارتی فوجیک ریاستی دہشت گردی نا برجا کارروائی تیٹی تدوک آ تُواکتوبر اٹی 22 کشمیری تے شہید کریر۔ کشمیر میڈیا سروس نا شعبہ تحقیق نا کنڈآن دوشنبے نادے آ جاری حساب وکتاب نا رداٹ کوزہ گیر فوجیک 12 کشمیری تے جعلی مقابلہ غاتے ٹی یادزگیری ٹی شہید کریر۔ داشہیدی تا نتیجہ ٹی اِرازالبول جنوزان و ہفت چناچوری مسر۔ بھارتی فوجیک و پولیس کارندہ غاک داوخت آ پرامن مچی کروک آگیا سم، پیلٹ و آنسو گیس اتون اوار واک ءِ وحشیانہ کاریم اٹ ایسر ہرانا نتیجہ ٹی کم از کم اسہ درزن بندغ ٹھپی مسنو۔ بھارتی فوج، پیراملٹری فورس، پولیس وبدنام زمانہ بھارتی جاست وپاستی ادارہ این آئی اے چندی غاتے ٹی گھیڑ و پٹنگ نا 309 کارروائی و اُراتیا چھاپہ غاتے ٹی 1140 بندغ ءِ دزگیر کریر و 6 ہنکینی ہند وماڑی تے بھس کریر یا نسخان تسر۔