اسلام آباد۔31اکتوبر (اے پی پی): مزن وزیر ءِ ھاسیں کمکار برائے ورنا آنی کار عثمان ڈار ءَ گوشت کہ کامیات ورنا پروگرام ءِ چیر دستی ءَ سرجمیں ملک ءَ کاروباری وام آنی بھر ءُ بانگ آنی تہ ءَ ترندی آرگ بوھگ ءَ انت ءُ انوگ ءَ تاں کامیات ورنا آنی تہ ءَ 22 ارب مالیت ءَ چہ گیش وام آنی بھر ءُ بانگ ءِ کار برجا انت۔ کامیات ورنا پروگرام ءَ چہ ھاسیں رنگ ءَ میرٹ ءِ بنیات ءَ وام ءِ بھر ءُ بانگ ءَ را دل یکیم جوڑ کنان ءَ ہزارانی ورنا اے پروگرام ءِ چیر دستی ءَ وام ءِ در جنگ ءَ وتی کاروبار ءَ را چلائینگ ءَ انت۔ یک شمبے ءِ روچ ءَ وتی ٹویٹ ءَ ھاسیں کمکار عثمان ڈار ءَ وام ءِ در جنوکیں کامیات ورنا آنی کسو ٹویٹ کنان ءَ گوشت کہ اسلام کوٹ سندھ ءَ چہ سیادی داروکیں ورنا راج کمار ءَ وام ءِ زر ءَ چہ فروٹ ءُ سبزی ءِ کار بندسات کتگ۔ کامیات ورنا راج کمار ءَ گوشت کہ آئی ءَ را کاروبار ءَ را شاھیگانی دیگ ءِ واسترہ سرمایہ ءِ ضلورت بوتگ ءُ کامیات ورنا پروگرام ءَ چہ سک باز آسانی ءَ چہ یک ماھے ءِ وساھت ءَ وام منظور بوتگ۔ عثمان ڈارءَ گوشت کہ انشاء اللہ اے منصوبگ ءَ چہ ورنا آناں 100 ارب مالیت ءِ وام دیگ ءِ سیم سر ءَ را زوت در جناں۔
