اسلام آباد۔31اکتوبر (اے پی پی):متحدہ عرب امارات ءَ پاکستان ءِ سفیر افضل محمود ءَ گوشت کہ یو اے ای ءِ گوما اقتصادی یکوئی آناں دیمروئی دیگ حکومت ءِ اولی ترجی داتگیں کار آنی تہ ءَ ھوار انت، دوستیں ملک پاکستان ءِ ٹوھیں اقتصادی ءُ تجاتی شریکداری ءَ چہ یک ات، اے گپ آئی ءَ اسلام آباد ویمن چیمبر آف کامرس اینڈ انڈسٹریز ءِ جوڑیشتکار صدر ثمینہ افضل ءِ سروکی ءَ یک ڈلے ءَ تران کنان ءَ کت۔ آئی ءَ گوشت کہ یو اے ای پاکستان ءِ ٹوھیں اقتصادی ءُ تجارتی شریکداری آنی تہ ءَ ھوالگ انت، آئی ءَ مدام پاکستان ءِ کمک کتگ ءُ اے وھد ءَ ھم دھ لکھ ءَ چہ گیش پاکستانی مردم در سعودی ءَ کار کنگ ءَ انت۔ ایش “ترسیلات زر” ءِ ٹوھیں وسیلگے انت۔ آئی ءَ گوشت کہ حکومت ءِ گوما عرب امارات ءَ نندوکیں پاکستانی دو نیمگی یکوئی آنی دیمروئی ءَ ارزشتی ایں کرد پیلو کتگ۔ پاکستانی تاجر آں متحدہ عرب امارات ءِ معیشت ءَ ارزشتی ایں کرد پیلو کتگ ایشی ءَ ما درست مناں۔ افضال محمود ءَ گوشت کہ پاکستانی تاجر برات دوئیں ملک آناں گیش نزیک آرگ ءَ پازیٹیو کرد پیلو کتگ ءُ پاکستان ءَ تجارت ءُ سرمایہ کاری ءِ دیمروئی ءِ واستہ گیشاں چہ گیش کوشست بکنت تانکہ دیمروئی ءُ وشھالی ءِ سیم سر در جنگ بوت بکن انت۔
