اسلام آباد۔31اکتوبر (اے پی پی): مز م وزیر عمران خان ءَ گوشت کہ پاکستان ءُ سعودی عرب ءِ نیام ءَ کوھنیں ، وت مہ وتی براتی ءُ یکوئی است ایشانی ریشگ، نیک راھ ءُ وت مہ وتی کمک آنی رد ءَ انت، دوئیں ملک سکیں ساھت ءَ یک ءِ دومیگ ءِ گوما ھمکوپگ ءَ اوشتاتگ انت، دوئیں ملک ھپتاد سال ءَ چہ ھمے دوستی ءِ گوما بندوک انت، سعودی عرب ءِ وژن 2030 ءِ منصوبگ پاکستان ءَ را سعودی عرب ءِ گوما نوکیں پاکستان ءِ مصوبگ ءَ را پکوئیں رنگ دیگ ءِ ھوالگ ءَ گپ ءُ تران آنی موہ پجاری کنت۔ یک شمبے ءِ روچ ءَ سعودی عرب ءِ الریاض ا ھوالتاک ءَ را انٹرویو دیان ءَ مزن وزیر ءَ گوشت کہ پاکستان سعودی عرب ءَ را آئی ٹی، انفراسٹرکچر ء دیمروئی ءُ کشت ءُ کشار ءِ پڑ ءَ شریکداری کنگ ءَ ابید ازمکاری ءُ لس مہلوک ءِ ھاٹیگ ءِ در پجالری کت کنت۔ مزن وزیر ءَ گوشت کہ پاکستان ءُ سعودی عرب ءِ سروک مٹ ءُ بدلی ءِ پرواہ ءَ ابید یک ءِ دومیگ ءِ گوما ھمگام ءَ اوشتاتگ انت۔ یک جستے ءِ پسو ءَ آئی ءَ گوشت کہ وژن 2030 ءِ جتا جتائیں شوبگ آنی تہ ءَ گہتری کار آناں سہر ا کنگ ءِ پد ءَ سعودی سروک آناں ساڑاانت۔ مزن وزیر ءَ گوشت کہ استیں سعودی عرب ءِ وژن 2030 ءِ چیر دستی ءَ سرمایہ کاری ءِ موہ اقتصادی ءُ تجارتی یکوئی آناں گیش مھکم کنگ ءِ واستہ جتا جتائیں کار رپک آنی سر ءَ ھیال ریچی کنگ بوت۔ موسمی مٹ ءُ بدلی ءِ رد ءَ سروک دیوان ءِ ھوالگ ءَ آئی ءَ گوشت کہ اے دیونا موسمی مٹ ءُ بدلی ءِ جیڈھ آں گوں گر ءُ چیل بوھگ ءِ واستہ سعودی سروک آنی مھکمیں گامگیج آنی جزم ءِ درشان ءَ کنت۔ گرین سعودی انیشیٹو ءُ گرین مڈل ایس انیشیٹو ناں ایوک ءَ سعودی عرب بلکینگ ءَ سرجمیں پڑ ءِ موسم ءِ رکھینگ ءِ واستہ لائک ءِ ستائی گامگیج ات۔ مزن وزیر ءَ گوشت کہ موسمی مٹ ءُ بدلی ءَ چہ ھما ھوپ ءُ ترس مئے زمین ءَ را است انت آ گواچنی انت ءُ ایش مھکمیں گامگیج آنی وھد انت۔ مزن وزیر ءَ گوشت کہ پاکستان کلین اینڈ گرین پاکستان ءُ 10 ارب سونامی ٹری منصوبگ ءِ سر ءَ کار جاڑی انت ایش ھمے رنگے ءِ منصوبگ انت۔ مزن وزیر ءَ گوشت کہ ما پھم آں کہ مئے اولی سرئی ءُ کار ھمے رچے انت، ایش یک ءِ دومیگ ءِ گوما مل انت، ما یک ءِ دومیگ ءِ تجروبت آں چہ سیت چست کت کناں، موسمی مٹ ءُ بدلی ءِ رند پد آں چہ کم کنگ ءِ واستہ وت مہ وتی کمک آناں ودینت کناں۔
