اسلام آباد۔30اکتوبر (اے پی پی) مزن وزیر عمران خان ءِ راجی سیت آنی رد ءَ پٹرولیم ءِ قیمت آناں گیش گیشی نہ کنگ ءِ فیصلہ کتگ۔ مزن وزیر ءَ السی ریلیف ءِ رد ءَ اوگرا ءُ وزارت ءِ ھزانگ ءِ نیمگ ءَ پیٹرولیم ءِ سامان آنی قیمت آنی تہ ءَ گیش گیشی آرگ ءِ شور ءُ مشور آناں رد کتگ۔ شمبے ءِ روچ ءَ مزن میڈیا کارگس ءِ نیمگ ءَ جاڑی بوتگیں بیان ءِ رد ءَ اوگرا ءَ میاں اوستمانی منڈی آنی تہ ءَ پیٹرولیم ءِ گیش بوھوکیں قیمت آنی رد ءَ یکم نومبر ءَ چہ پاکستان ءَ پیٹرولیم ءِ قیمت 11.53 کلدار، ہائی سپیڈ ڈیزل 8.49 کلدار، گاسٹیل 6.29 کلدار ءُ لائیٹ ڈیزل 5.72 کلدار ودینگ ءِ شور ءُ مشور داتگ بوتگ، پدا ھم مزن وزیر ءَ شور ءُ مشور کتگیں مسل آناں رد کتگ ءُ پیٹرولیم ءِ قیمت آنی ودینگ ءِ شور ءُ مشور ءَ را داشتگ۔ حکومت گیش بوھوکیں گران بھائی ءِ بار ءَ را الس ءِ سر ءَ لڈگ ءِ مٹ ءَ الس ءَ را ریلیف دیگ ترجی دیگ ءَ انت۔ اوگرا ءِ نیمگ ءَ شور ءُ مشور کتگیں استیں گیشی ءِ بار ءَ را حکومت وت سگ ءُ اوپار کنگ ءَ انت۔
