واشنگٹن۔30اکتوبر (اے پی پی) پاکستانی سفیر اسد مجید خان ءَ گوشتگ کہ پاکستان، امریکہ ءِ گوما دو نیمگی یکوئی ءُ شریکداری ءَ را باز ارزشت دنت انت، یکجائی سیت، شرپ ءُ دو نیمگی یکوئی ءَ را گیش گہتری ءِ واستہ یکجائی ءَ کار کنگ ء واھشت دار انت۔ اے گپ آئی ءَ شمبے ءِ روچ ءَ واشنگٹن ءَ امریکی انڈر سیکرٹری ازرہ ضیا ءَ گوں گند ءُ نند ءِ ساھت ءَ کت۔ پاکستانی سفیر ڈاکٹر اسد مجید خان ءَ ھم گوں جوانی ءَ وش اتک کنگ ءِ پد ءَ امریکی انڈر سیکرٹری ءِ شگر ءُ منت گپت۔ آئی ءَ گوشت کہ پاکستان، امریکہ ءِ گوما دو نیمگی یکوئی ءُ شریکداری ءَ را باز ارزشت دنت، اے ھوالگ ءَ دو نیمگی یکوئی آناں گیش گہتری ءِ واستہ یکجائی ءَ کار کنگ ءِ واستہ واھشت دار انت۔ اے موہ ء سر ءَ امریکی انڈر سیکرٹری ازرہ ضیا ءَ پاکستانی سفیر ءِ پاک امریکہ دو نیمگی یکوئی ءِ سر ءَ سرجمیں تران کنان ءَ آئی ء شگر ءُ منت گپت۔ آئی ءَ گوشت کہ ناشرکاری ءِ گر ءُ دار، بنی آدمی ھک آنی رکھینگ، نیک راھی آزاتی، ءُ بنی آدم دوستی ءِ رد ءَ ، اوگان الس ءِ کمک ءِ ھوالگ ءَ دو نیمگی جاڑیگیں پازیٹیو گپ ءُ تران آناں ساڑاتگ۔
