اسلام آباد۔ 29 اکتوبر (اے پی پی) وزیراعظم نا سلاہکار خزانہ شوکت ترین یوریاکھد انا دوئی مننگ آ است جمی نا درشانی ءِ کرسا گیس کمپنی تے پارت کرینے کہ او کھد انا یونٹ آتے پیدوار کن گیس انا فراوانی ءِ پک کیر۔ جمعہ نادے آ فنانس ڈویژن اٹی کھد انا بابت اسہ دیوان اسے نا کماشی ءِ کرسا سلاہکار خزانہ غٹ اسٹیک ہولڈر آتے سیلز خراج ریفنڈ و گیس انفراسٹرکچر ڈویلپمنٹ سیس (جی آئی ڈی سی) نا زرتس نا بابت باندات آ امنائی سلاہ ودی کننگ نا ہم پارت کرے۔ داکان مست سیکرٹری وزارت صنعت وپیدوار دیوان ءِ ملک اٹی کھد انا خواست و رسینگ نا حالیت آتیان معلومدار کرے۔ سیکرٹری پارے کہ سوئی نادرن گیس پیپ لائنز لمیٹڈ(ایس این جی پی ایل) نا بنداو آ یوریا پلانٹ آتے گیس انا فراوانی جنوری 2022اسکان 3 لکھ میٹرک ٹن ودکی پیدوار ءِ پک کیک، حکومت پاک عرب فرٹیلائزر لمیٹڈ و فوجی فرٹیلائزربن قاسم لمیٹڈ(ایف ایف بی ایل) تون اوار غٹ کھد یونٹ آتے زیات آن زیات گیس انا فراوانی ءِ پک کننگ کن سبنرینگوک ءُ۔ اوپارے کہ اسہ لکھ میٹرک ٹن یوریا نا درآمد کن ٹینڈرہم مشتہر کننگانے۔ دیوان اٹی بنجائی وزیر نیشنل فوڈ سیکورٹی اینڈ ریسرچ سید فخر امام ، بنجائی وزیر توانائی حماد اظہر، سیکرٹریز صنعت و پٹرولیم، ایڈیشنل سیکرٹری وزارت خزانہ و ایلو بڑزکو کمامدارآک ساڑی ئسر۔
