روم۔29اکتوبر (اے پی پی):امریکی صدر جوبائیڈن جی۔ 20 سروکی دیوان ءَ ہوار بوہگءِ ھاترءَ روم ءَ سربوتگ۔ فرانسیسی حال رسانکی ادارگءِ گشگ ءِ رد ءَ کورونا وائرس ءِ ہوپ ءِ بندات ءَ پد اولی رند ءَ اے دیوان ءَ اے ملک آنی سروک وت ہوار بنت۔ جو بائیڈن جی۔ 20 سروکی دیوان ءَ پد سکاٹ لینڈ ءِ شہر گلاسکو ءَ استیں میاں اوستمانی ماحولیاتی کانفرنس ءَ ہم ہوار بیت۔ جوبائیڈن وتی غیر ملکی ترءُ تاب ءِ بندات ءَ جمعہ ءِ روچءَ ویٹیکن سٹی ءَ پوپ فرانسس ء ِ گوما گندء ُنندکنان ءَ کنت، جوبائیڈن جان ایف کینیڈی ءَ پد دومی ڈیموکریٹ کیتھولک امریکی صدر اِنت کہ عیسائی آنی کیتھولگ فرقہ ءِ راہشون پوپ فرانسس ءَ گوں گند ءُ نندکنت۔ امریکی صدر جوبائیڈن جمعہ ءِ روچءَ فرانسیسی صدر ایمانوئل میکرون ءَ گوں ہم گندء ُنندکنت۔
