اسلام آباد۔29اکتوبر (اے پی پی):احساس ٹارگٹڈ سبسڈی پروگرام ءِ سٹیئرنگ کمیٹی ءِ دومی دیوان برجم بوت۔ ھاسیں کمکار برائے چاگردی رکھینگ ءُ گریبی ءِ ھلاس کنوک سینیٹر ڈاکٹر ثانیہ نشتر ءَ دیوان ءِ سروکی کت۔ کمیٹی ءَ احساس ٹارگٹڈ سبسڈی پروگرام ءِ ڈیزائن ءِ منظوری دات۔ سٹیئرنگ کمیٹی ءِ مول ءُ مراد احساس ٹارگٹڈ سبسڈی پروگرام ءِ پالیسی، آنی سر ءَ چار ءُ بچار کنگ بوت۔ دیوان ءَ گورنر ، ڈپٹی گورنر سٹیٹ بینک، صدر نیشنل بینک، ایم ڈی یو ٹیلٹی سٹورز، چیئرمین پاکستان ریونیو آٹو میشن لمیٹڈ ءَ بھر زوری کت۔ ایندگر شریک آنی تہ ءَ سیکرٹری چاگردی رکھینگ ڈویژن، سیکرٹری انڈسٹریز اینڈ پروڈکشن، سیکرٹری بی آئی ایس پی، ایڈیشنل سیکرٹری فنانس ھم ھوار ات۔ اے موہ ءِ سر ءَ ڈاکٹر ثانیہ ءَ گوشت کہ زوت بوھوکیں پروگرام ٹارگٹڈ سبسڈی پروگرام ءِ مول ءُ مراد بزگریں گس آناں ڈسکوائونٹ ءِ گوماں ھمروچگیں وردنی سامان پجاری کنگ انت ءُ پروگرام ءِ پیلو کنگ ءِ واستہ مھکمیں مابوئل پوائنٹ آف سیل ءِ نظام جوڑ کنگ بوتگ۔
