کوئٹہ۔29اکتوبر (اے پی پی): نوک گچین بوتگیں سر وزیر بلوچستان میر عبدالقدوس بزنجو ءَ گوشت کہ ھما دوستاں چہ ھمبراھ داری کتگ ءُ ھما دوست آں کہ تحریک ءَ را کامیات کتگ آوانی شگر ءُ منت وار آں ما درستاناں ھمبراہ کنان ءَ دیم ءَ جنزاں مرچی اچ کس ءِ مبارک بات ءَ نہ زوراں وھد ءِ کار کرد ءَ پیش داراں گڈا مبارک بات ھم زوراں، اے ھیالانی درشانی آئی ءَ آدینگ ءِ روچ ءَ بلوچستان اسم،بلی ءَ بلا مقابلہ ءَ سر وزیر بلوچستان گچین بوھگ ءِ پد ءَ گشتانک دیان ءَ کت میر عبدالقدوس بزنجو ءَ گوشت کہ مرچی ءَ چہ منی چکاس بندات بوتگ انت منا چکاس ءِ کرشی ءِ سرا نادینان ءَ منا مبارک بات دیگ بوھگ ءَ انت ما گشتانک باز داتگ نوں کار کناں گوستگیں دور ءُ باریگ ءِ گپاں نہ کناں دعا انت کہ اللہ پاک منا اے چکاس ءَ کامیات بکنت۔ آئی ءَ گوشت کہ نواب ثناء اللہ خان زہری ءَ وتی دور ءُ باریگ ءَ گوشتگ بوتگ کہ منی واستہ اچ کس اپوزیشن نہ انت آ وتی دمگ ءَ گچین بوتگیں سروک ات آ لائک ءِ شرپ ءُ ازت انت منی ھم ھمے کوشست انت کہ گچین بوتگیں نماھندگ آں ڈلگچار کنگ مہ بیت ، آئی ءَ گوشت کہ بنجاھی ءِ کمک ءَ ابید کوئٹہ شہر ءِ جیڈھ آنی گیواری بوت نہ کنت، بلوچستان سیم سر آنی رد ءَ پاکستان ءِ نیم انت ، کار کنگ ءِ واستہ بنجاھ ءِ کمک المی انت ، بلوچستان ءَ را ایندگر صوبگ آنی گوما ھمکچ ءُ بروبر کنگ لوٹ ایت اگاں نیک دعا ءُ شمبے کمک ھمبراہ بوت انت گڈا آسانی بیت، میر عبدالقدوس بزنجو ءَ گوشت کہ بلوچستان عوامی پارٹی ءِ دوست آنی منت وار آں کہ آواں زمہ واری ءِ واستہ منا گچین کتگ۔ آئی ءَ گوشت کہ بلوچستان ءِ دیمروئی ءِ واستہ اسلام آباد ءَ رواں مزن وزیر عمران خان ءَ گوں گند ءُ نند کناں صوبگ ءِ واستہ گہتریں گامگیج کناں آئی ءَ گوشت کہ منا الس ءِ سیت آنی رکھینگ ءِ واستہ جیل ءَ روگ کپت گڈا الم ءَ رواں ، آئی ءَ گوشت کہ بنیاتی جیڈھ آناں گیوار کناں ، آئی ءَ گوشت کہ 15 روچ ءِ اندر ءَ حکومتی پالیشی ءِ جار ءَ جناں بلوچستان یک پشتمندیں صوبگ ات ، ھمک مردم ءَ را روزگار پجاری کنگ بوت نہ کنت صوبگ ءِ بارڈر ءِ سر ءَ روزگار کنوک آنی واستہ آسانی پیداک کناں ، توامیں ھالیگیں پوسٹ آناں دسمبر ءَ تاں پُر کناں ۔ آئی ءَ گوشت کہ ایڈدومنٹ فنڈ ءِ واستہ گیش 2 ارب کلدار ءِ گیشی کنگ بیت ءُ توامیں بندی جاہ آنی تہ ءَ کیزیں مردم آنی کیز آنی تہ ءَ دو ماہ ءِ یلوئی کنگ بیت آئی ءَ گوشت کہ مارا ریڈ زون ءَ بوھگ نہ لوٹ ایت ھما جاہ ءَ سروک بنت ھما جاہ ءَ لس مردم ءِ روگ ءُ آیگ بہ بیت۔ بلوچستان ءَ شکاست سیلءِ دوارگ بنگیج کنگ بیئت۔ صوبگ ءِ توامیں ضلع آنی سپائی ءِ جاور ھال مئے زمہ واری انت کوئٹہ ءِ گند آناں ساپ سپائی کنگ ءِ واستہ گامگیج کناں ءُ وت رواں ایشی چار ءُ تپاس ءَ کناں۔
