اسلام آباد۔28اکتوبر (اے پی پی): وزیر ءِ مملکت اھوالکاری ءُ شنگ کاری فرخ حبیب ءَ گوشت کہ سیاسی گل آنی اکائونٹس آنی پٹ ءُ پول الیکشن کمیشن ءِ زمہ واری انت، فرضی نام آں چہ کروڑانی کلدار ن لیگ ءِ پارٹی ءِ اکاونٹس ءَ جم کنگ بوتگ، نواز شریف توشی خانہ ءِ بی ایم ڈبلیو وتی گس ءَ برتگ، گیر کانودی فارن فنڈنگ سہرا بوت گڈاس ن لیگ ءِ سر ءَ بندش لگت کنت۔ اے ھیالانی درشانی آنی ءَ پنچ شمبے ءِ روچ ءَ الیکشن کمیشن ءِ ڈن ءَ میڈیا ءَ گوں تران کنان ءَ کت۔ آئی ءَ گوشت کہ سیاسی گل ءِ اکاونٹس ءِ پٹ ءُ پول الیکشن کمیشن ءِ زمہ واری انت، گوستگیں چار روچ ءَ چہ پیپلز پارٹی ءُ ن لیگ ءِ اکائونٹس آنی چار ءُ تپاس بوھگ ءَ انت، سئے سال ءَ ن لیگ ءِ پارٹی اکاونٹس آنی تہ ءَ 45 کروڑ کلدار اتکگ، ن لیگ ءِ پارٹی اکاونٹس آنی تہ ءَ بازیں شکیگیں نام سہرا بوتگ، فرضی نام آنی سر ءَ کروڑانی کلدار ءِ زر ن لیگ ءِ پارٹی اکاونٹس آنی تہ ءَ جم کنگ بوتگ۔ ایشی پٹ ءُ پول ءُ پول ءَ چہ پد بوت کنت ن لیگ ءِ سر ءَ بندش لگت کنت۔
