اسلام آباد۔ 28اکتوبر (اے پی پی) ریلوائی انتظامیہ پارینے کہ ساڑی آ حالیت آتا رداٹ پشاور، راولپنڈی آن لاہور آ بروک و ہنوک آ ریل آتے براستہ جنڈ، بسال ، کندیاں، سرگودھا، سانگلہ ہل، شیخوپورہ ، لاہور روانہ کننگ انگ ءِ۔ ترجمان ریلوائی نا رداٹ لاہور و راولپنڈی نا نیام اٹ بیگہ نا 4 بجہ ءُ 30 منٹ آ چلینگوک آ سبک خرام و شام انا 6 بجہ غا چلینگوک آ اسلام آباد ایکسپریس و نن نا 12 بجہ ءُ 30 منٹ آ چلینگوک آ راول ایکسپریس ءِ ہم ہڑتوم آ کنڈآتیان بننگ کن معطل کننگانے۔ ہنداوڑ پشاور آن کوئٹہ غاہنوک آ جعفر ایکسپریس ءِ پشاور و لاہور نا نیام اٹ اسہ دے اکن معطل کننگانے۔ گرین لائن ءِ راولپنڈی و لاہور نا نیام اٹ پنچ شنبے کن معطل کننگانے۔ تیزگام ایکسپریس ءِ راولپنڈی و لاہور نا نیام اٹ ہم اسہ دے اکن معطل کننگانے۔ پاکستان ریلوائی نا سسٹم آ چلینگوک آ ایلو غٹ ریلک تینا ہڑدے ئی و روٹ انا رداٹ چلینگ انگ ءُ۔
