اسلام آباد۔ 28 اکتوبر (اے پی پی) ہرمسٹ آ سلہہ بند فوج آن تعلق تخوک آ عسکری سرکڑدہ غاک’’ ڈسٹنگو شڈوزیٹر ڈے‘‘ انا رداٹ پاک فضائیہ نا آپریشنل ایئر بیس آ برجا کثیر ملکی عسکری فضائی مشق’’ ایسزمیٹ2021‘‘ نا جاچ ءِ ہلکر۔ پاک فضائیہ نا ترجمان نا رداٹ کثیر ملکی عسکری فضائی مشق انا جاچ ءِ ہلوک آتے ٹی ایئر وائس مارشل امتیاز ستار(کمانڈرایئر فورس سٹریٹجک کمانڈ)، میجر جنرل آصف محمود گورایا(جی او سی 3 ایئرڈیفنس ڈویژن)، ایئروائس مارشل شاہد منصور جہانگیری (ڈائریکٹر جنرل جوائنٹ آپریشنز)، ایئر وائس مارشل کاشف قمر(ڈائریکٹر جنرل لاجسٹکس)، ایئر وائس مارشل اکرام نور(سلاہکار ایڈمنسٹریشن سروک پاک فضائیہ)، ایئر وائس مارشل عاصم رشید ملک (ڈائریکٹر جنرل ایرو انجینئرنگ) و ریئر ایڈمرل نعیم سرور(ڈائریکٹر جنرل پبلک ریلیشنز پاک بحریہ) اوار ئسر۔ پاک فضائیہ و ترک فضائیہ 15 اکتوبر 2021آن بناکروک آ اِراہفتہ غا تالان دا فضائی مشق آتے ٹی بشخ ہلنگ ءُ وخت اس کہ برطانیہ و ازبکستان نا فضائیہ ءِ بطور مبصر مشق آتے ٹی بشخ ہلنگ نا سلہ خلنگانے۔ شرفمندآک مشق آتے ٹی بشخ ہلوک آ فضائی فوج انا آپریشنل تیاری و مشق آتا اڈتننگ نا ستاءِ کریرو دااومیت نا درشانی ءِ کریر کہ دا مشق بشخ ہلوک آتا نیام اٹ سنگتی و کمکاری ءِ پین مون آ دیک۔ مشق آتے ٹی شریک فضائی فوج انا عسکری مہمان ہم داوخت آ ساڑی ئسک۔
