اسلام آباد۔ 28 اکتوبر (اے پی پی ) اپوزیشن باسک آتا ساڑی مفننگ نا سوب آن سینیٹ نا ذیلی کمیٹی ہاؤسنگ اینڈورکس نا دیوان بیدس کارروائی آن پد بٹنگا۔ سینیٹر کامل علی آغا نا کماشی ٹی سینیٹ نا ذیلی کمیٹی ہاؤسنگ اینڈ ورکس نا دیوان پنچ شنبے نادے آ اڈ ہلک ولے ذیلی کمیٹی نا باسک سینیٹر افنان اللہ خان پیشن نا ملک مننگ وخت اس کہ سینیٹر بہرہ مند خان تنگی خاہوت اٹی فوتگی نا سوب آن کمیٹی نا دیوان اٹی بشخ ہلنگ کتو۔ کورم پورو مفننگ نا سوب آن ذیلی کمیٹی نا کنوینر سینیٹر کامل علی آغا ہاؤسنگ منسٹری نا کمامدار آتون سلابت آن پد دیوان ءِ پدبٹے۔ کنوینر کامل علی آغا نا پاننگ ئس کہ ذیلی کمیٹی نا ہڑتوم آ باسک آتا تعلق اپوزیشن جماعت آتیان ءِ، اوفتا ساڑی مفننگ اٹ دیوان نا کارروائی ءِ کننگ سہی مفک۔ سینیٹ نا ذیلی کمیٹی ہاؤسنگ اینڈ ورکس نا دیوان داسہ 22 نومبر آمریک۔
