اسلام آباد۔ 28 اکتوبر (اے پی پی) بنجائی وزیر توانائی حماد اظہر پارینے کہ ملک اٹی ڈیزل نا خواست اٹی 26 درسد، پٹرول اٹی 14 درسد، بجلی نا کھپت اٹی 13 درسد ودکی اقتصادی سرجزآتے ٹی ترندی نا سوب ءِ۔ پنچ شنبے نادے آ تینا ٹویٹ اٹی اوپارے کہ اینخو مالی سال انا اولیکو سہ ماہی ٹی ملک اٹی ڈیزل نا خواست اٹی 26 درسد ودکی مس و داوخت آ ملک اٹی پٹرول نا کھپت اٹی 14 درسد ودکی ریکارڈ کننگا۔ اوپارے کہ بجلی نا کھپت اٹی ہم 13 درسد اسکان ودکی مسنے۔ اوپارے کہ دا غٹ ٹک آک تدوک آ سال انا مقابلہ ٹی اقتصادی سرجزآتے ٹی ودکی ءِ پاش کیرہ۔
