اسلام آباد۔ 28 اکتوبر (اے پی پی) وزیراعظم نا خصوصی کمکار اسٹیبلشمنٹ ، محمد شہزاد ارباب نا کماشی ٹی کیہی دے آن برجا دیوان ایسر مسنے۔ دیوان اٹی مالی سال2021-22نا اولیکو سہ ماہی ٹی وزارت آتا کارکڑد نا جاچ ءِ ہلنگا۔ چارشنبےنادے آ جاری بیان نا رداٹ جاچ کمیٹی ٹی پلاننگ کمیشن نا ڈپٹی چیئرمین جہانزیب خان، اسٹیبلشمنٹ ڈویژن، کیبینٹ ڈویژن، فنانس ڈویژن و پلاننگ کمیشن نا سینئر کمامدارآک ہم اوار ئسر۔ داوخت آ وزیراعظم نا خصوصی کمکار اسٹیبلشمنٹ شہزاد ارباب پارینے کہ غٹ وزارت آک اِراسال انا پرفارمنس ایگریمنٹس نا رداٹ تینا ہدف آتیا مبنی کارکڑد رپورٹ پیش کرینو۔ وزارت آتے اوفتا کارکڑد نا بابت فیڈبیک ہم تننگانے۔ و دا فیڈبیک آخبت اٹ وزارت آتے تینا ہدف آتا پوروی ٹی کمکار مریک۔ اومستی پارے کہ ہدف آتا پوروی نا چرجوئی ٹی، وزارت آتا اسہ ایلو آ سیبو و اوفتے تون تعلقدار اڑاند آتے ایسر کننگ آ خاص چکارکننگانے۔ اوپارے کہ کارکڑد نا بنداو آ وزارت آتا درجہ بندی ءِ پورو کننگانے و بروک آ ہفتہ وزارت آتا کارکڑد رپورٹ ءِ وزیراعظم عمران خان ءِ پیش کننگک۔
