اسلام آباد۔26اکتوبر (اے پی پی): مزن وزیر عمران خان ءَ گوں چیف آف آرمی اسٹاف جنرل قمر جاوہد باجوہ ءَ سئے شمبے ءَ گند ءُ نند کت ءُ سرجمیں شور ءُ سلاھی کار ءَ چہ پد پد نوکیں ڈی جی آئی ایس آئی ءِ واستہ لیفٹیننٹ جنرل ندیم انجم ءِ نام ءَ منظوری دیگ بوت ایش 20 نومبر 2021 ءَ وتی اگدہ ءِ چار ج ءَ گپت۔ مزن وزیر کارگس ءِ میڈیا ونگ ءِ نیمگ ءَ پریس ریلیز ءِ رد ءَ اے گند ءُ نند آءی ایس آئی ءَ کمان ءِ مٹ بوھگ ءِ وھد ءَ ءُ نوکیں ڈائریکٹر جنرل آئی ایس آئی ءِ گچین ءِ ھوالگ ءَ مزن وزیر ءُ چیف آف آرمی سٹاف ءِ نیام ءَ جاڑیگیں شور ءُ مشوری کار آنی بھر بوتگ۔ اے کار ءِ ساھت ءِ وزارت ءِ دیمپانی ءَ چہ اپسرگ آنی یک لڑے رستگ بوتگ۔ مزن وزیر ءَ توامیں نامینتگیں اپسرگ آنی انٹرویو کتگ۔ مزن وزیر ءُ چیف آف آرمی سٹاف ءِ نیام ءَ شور ءُ مشور آنی پکوئی سئے شمبے ءَ بوتگ۔ سرجمیں شور ءُ مشور ءَ چہ پد نوکیں ڈجی جی آئی ایس آئی ءِ واستہ لیفٹیننٹ جنرل ندیم انجم ءِ نام ءِ منظوری دیگ بوتگ۔ نامینتگیں ڈجی جی آئی ایس آئی 20 نومبر 2021 ءَ وتی اگدہ ءِ چارج ءَ گپت۔
