اسلام آباد۔26اکتوبر (اے پی پی): وزیر ءِ درئی کار مخدوم شاہ محمود قریشی ءَ گوشت کہ پاکستان، ایران ءِ گوما وتی براتی ءُ یکوئی آناں ھاسیں ارزشت دنت، میاں اوستمانی برات اوگان شہری آنی معاشی جیڈھ ءُ بنی آدمی ڈکال ءَ چہ در کنگ ءِ واستہ مھکمیں گامگیج چست بکنت، پاکستان، اوگانستان ءَ را تجارتی سیم سر آنی روگ ءُ آیگ ءِ آسراتی ءِ پجاری ءَ جاڑی دارگ ءِ واستہ جزمین انت۔ اے گپ آئی ءَ سئے شمبے ءِ روچ ءَ تہران ءَ ایرانی ھمکار ڈاکٹر حسین امیر عبداللہیان ءَ گوں گند ءُ نند ءِ ساھت ءَ کت۔ اوگانستان ءِ واستہ ھاسیں نماھندگ ایمبیسیڈر محمد صادق ءُ ایران ءَ پوسٹیں پاکستانی سفیر رحیم حیات قریشی ھم وزیر ءِ درئی کار ءِ ھمبراھ ات۔ ترجمان درئی کارانی کارگس ءِ رد ءَ گند ءُ نند ءِ ساھت ءَ دوئیں وزیر ءِ درئی کار آنی نیام ءَ دو نیمگی یکوئی ، وت مہ وتی واھگی کار آنی سر ءَ ھیال ریچی کنگ بوت۔
