اسلام آباد۔26اکتوبر (اے پی پی): دری کارانی وزیر مخدوم شاہ محمود قریشی ءَ سے شمبے ءِ روچءَ سعودی دری کارانی وزیر شہزادہ فیصل بن فرحان آل سعود ءَ گوں گندء ُ نندکتگ۔ دوئیں دری کارانی وزیر آں میاں اوستمانی تک ءَ حاس اقوام متحدہ ء ُ او آئی سی فورم آنی سرءَ دونیمگی کمک ءَ را گیش کنگ ءِ سرءَ تپاک کتگ۔ دری کارانی وزیر ءِ گشگءِر دءَ دری کارانی سیکرٹری سہیل محمود ء ُ سفارتخانہ ءِ سینئر افسرہم موہ ءِ سرءَ ساڑی بوتگ اَنت۔ دری کارانی وزیر مخدوم شاہ محمود قریشی ءَ ماحولیات ءِ ہوالگءَ میاں اوستمانی کانفرنس کنگ ءَ سعودی دری دری کارانی وزیر ءَ را مراد بات پیش کتگ ۔ دوئیں دری کارانی وزیراں دونیمگی سیادی ءَ ہوار دونیمگی ھدوناکی ءِ دمگی ء ُ میاں اوستمانی کارانی سرءَ ھیال ء ُ لیکہ ءِ د رشانی کتگ۔ دوئیں دری کارانی وزیرآں دوئیں ملک آنی نیامءَ سیادی ءَ را گیش جوان کنگ ءِ جزم ءِ درشانی کتگ۔ گوازوکیں سال نیویارک ء ُ دوئیں دری کارانی وزیر آں میاں اوستمانی تک ءَ حاس اقوام متحدہ ء ُ او آئی سی فورم آنی سرءَ دونیمگی کمک ءَ را گیش کنگ ءِ سرءَ تپاک کتگ۔ دری کارانی وزیر ءَ سعودی دری کارانی وزیر ءَ را اوگانستان ءَ انسانی پدمنتگی ءِ ھترہ ءَ چہ سرپد کتگ، اوگانستان ءَ دراج بُریں امن ء ُایمنی ء ُ معاشی مھکمی ءِ ھاترءَ میاں اوستمانی براتی ءِ نیمگ ءَ چہ محکمیں گامگیج چست کنگءِضلورت ءِ سرءَ زور پِر داتگ۔
