تہران۔26اکتوبر (اے پی پی): دری کارانی وزیر مخدوم شاہ محمود قریشی ڈل ءِ ہمرائی ءَ دو روچی ترء ُتاب ءَ سے شمبے ءِ روچءَ تہران ءَ سربوتگ۔ امام خمینی میاں اوستمانی بالی پڑ ءَ پاکستان ءَ ایران ءِ سفیر محمد علی حسینی، ایران ءَ تعینات پاکستان ءِ سفیر رحیم حیات قریشی ء ُ دری کارانی وزارت ءِ سینئر افسر آں دری کارانی وزیر ءَ را وش اَتک کتگ۔ دری کارانی وزیر مخدوم شاہ محمود قریشی وتی ترء ُتاب ءِ وہد ءَ ایرانی دری کارانی وزیر ڈاکٹر حسین امیر عبداللہیان ء َ ہوار ایرانی سروکاں گوں گند ء ُ نندکنت۔ دری کارانی وزیر 27 اکتوبر 2021 ءَ تہران ءَ استیں اوگانستان ءِ ہمساہگیں ملک آنی دومی وزاراتی دیوان ءَ پاکستان ءِ نمائندگی کنت ء ُ دمگی جاورھال ءِ ہوالگءَ پاکستان ءِ لیکہ ءَ پیش کنت۔ دری کارانی وزیر ایران ءِ ترء ُتاب ءِ وہدءَ میڈیا نمائندگاں گوں گپ ء ُتران ہم کنت ء ُ حاسیں دمگی ء ُ میاں او ستمانی ہوالگءِ کارانی سرءَ پاکستان ءِ لیکہ ءَ پیش کنت۔
