فیصل آباد۔26اکتوبر (اے پی پی): پنجاپ ءِ سروزیر سردار عثمان بزدار ءَ سے شمبے ءِ روچءَ کوچائلڈ پروٹیکشن اینڈ ویلفیئر بیوروفیصل آبادءِ ترءُ تاب کتگ ء ُ 21 کروڑ کلدار ءِ حرچ ءَ چہ جوڑ کتگیں نوکیں ترز ءِ آسراتیانی گوں جو ڑ بوتگیں چائلڈ پروٹیکشن انسٹی ٹیوٹ ءِ دیم درائی کتگ ۔ اے موہ ءَ صوبائی وزیر حسین جہانیاں گردیزی، چیئرپرسن چائلڈ پروٹیکشن اینڈ ویلفیئر بیوروپنجاب سارہ احمد، مزنیں انتظامی حکام ء ُ ہمگرنچیں افسر ہم ساڑی بوتگ اَنت۔ سروزیر ءَ انسٹی ٹیوٹ ءَ بے آسرائیں زھگاناں دیئوکیں آسراتیانی چارء ُ تپاسی کتگء ُ انسٹی ٹیوٹ ءَ داتگیں سٹیٹ آف دی آرٹ آسراتی ءِ سرءَ ہم سدکی ءِ درشانی کتگ۔ آئی ءَ گوں زھگاں گپ ء ُتران کتگ ء ُ آیاناں ٹیکی ء ُ سوگات داتگ۔ سروزیر ءَ اے وہد ءَ انسٹی ٹویٹ ءَ استیں یک بیگوائیں زھگے کہ گوستیں یک ماہے ءَ چہ چائلڈ پروٹیکشن ءِ گورءَ بوتگ آئی ءَ را ماتءُ پتءِ دست ءَ داتگ، بیگوائیں زھگ ءِ حاندان ءَ سروزیر عثمان بزدار ءِ شکرء ُ منت گپتگ۔ آئی ءَ چیئرپرسن چائلڈ پروٹیکشن اینڈ ویلفیئر بیورو سارہ احمدءَ را پنتء ُ شون کتگ کہ زھگاناں آیانی لوگءِ وڑیں چاگرد دیئگ ءَ ایچ وڑیں کمی کنگ مابیت۔ اے ہوالگ ءَ آئی ءَ وتی ہرچ بوہوکیں کمک ءِ اوست داتگ۔ ایشی ءَ ابید اثناچیئرپرسن چائلڈ پروٹیکشن اینڈ ویلفیئر بیورو سارہ احمد ءَ سروزیر عثمان بزدار ءَ را ادارگ ءِ ہوالگ ءَ شونست داتگءُ آیوکیں منصوبہ آنی بابت ءَ ہم سرپد کتگ۔
