اسلام آباد۔ 26 اکتوبر (اے پی پی) وزیراعظم عمران خان سعودی عرب نا سرکاری دورہ ءِ پورو کننگ آن پد سے شنبے نادے آ اسلام آباد آ سرمس۔ او سعودی ولی عہد شہزادہ محمد بن سلمان نا سلہ غا مسہ دے ئی دورہ غا سعودی عرب آ ہناسس۔ دورہ نا ایسر آ ریاض اٹ سعودی عرب نا نائب وزیرخارجہ عادل بن احمد ال جبیر وزیراعظم ءِ رخصت کرے۔ دورہ غا وزیراعظم تون اوار وزیرخارجہ شاہ محمود قریشی ، وزیر توانائی حماد اظہر، سلاہکار خزانہ شوکت ترین، وزیراعظم نا خصوصی کمکار ملک امین اسلم ئسک ہم اوار ئسر۔ وزیراعظم مڈل ایسٹ گرین انیشی ایٹیو سروک دیوان اٹی بشخ ہلک و دیوان آن تران ہم کرے۔ اوسعودی ولی عہد شہزادہ محمد بن سلمان تون اوڑدہی ہم کرے۔ دورہ نا وخت آ وزیراعظم سعودی عرب پاکستان انوسٹمنٹ فورم آن تران ہم کرے۔ وزیراعظم ڈل اتون اوار روضہ رسول صلی اللہ علیہ و آلہ وسلم آ حاضری تس و مسجد نبوی ٹی نفل خوانا۔ اوعمرہ ہم کرے و پاکستان نا سلامتی و شونہالی کن خصوصی دعاہم کرے۔

متعلقہ مضامینمصنف کی طرف سے مزید