تہران۔ 26 اکتوبر (اے پی پی) وزیرخارجہ مخدوم شاہ محمود قریشی ڈل اتون اوار اِرادے ئی سرکاری دورہ غا سے شنبے نادے آ تہران آ سرمس۔ امام خمینی جہانی بالی پٹ آپاکستان اٹ ایران نا سفیر محمد علی حسینی، ایران اٹ تعینات پاکستان نا سفیر رحیم حیات قریشی و وزارت خارجہ نا سینئر آفیسر آک وزیرخارجہ ءِ بخیرکریر۔ وزیرخارجہ مخدوم شاہ محمود قریشی تینا دورہ ایران اٹ ایرانی ہم منصب ڈاکٹر حسین امیر عبداللہیان تون اوار ایرانی سرکڑدہ غاتون اوڑدہی کیک۔ دااوڑدہی تیٹی ہڑتوم آ کنڈآتا تعلقداری و علاقائی حالیت آتون اوار تین پہ تینی است خواہی نا امور آ سرجم گپ وتران کننگک۔ وزیرخارجہ 27 اکتوبر2021 آ تہران اٹی اڈ ہلوک آ اوغانستان نا ہمسایہ ملک آتا ارٹ میکو وزارتی دیوان اٹی پاکستان نا نمائندگی کرسا علاقائی حالیت آتا بابت پاکستان نا موقف ءِ پیش کیک۔ وزیرخارجہ دورہ ایران اٹی میڈیا نمائندہ غاتون ہم گپ وتران کیک و اہم علاقائی و جہانی امور آ پاکستان نا نقطہ نظرءِ پیش کیک۔

متعلقہ مضامینمصنف کی طرف سے مزید