اسلام آباد۔ 26 اکتوبر (اے پی پی) وزیراعظم نا خصوصی کمکار قومی جان جوڑی ڈاکٹرفیصل سلطان پارینے کہ جان جوڑی نا بنداوی ہند آتے فعال کننگ انگ ءِ و غٹ بی ایچ یوتے اپ گریڈ کننگ انگ ءِ۔ داخیال آتا درشانی ءِ او شاہ اللہ دتہ ٹی جان جوڑی نا بنداوی ہند انا دورہ نا وخت آ میڈیا تون گپ وتران کرسا کرے۔ اوپارے کہ مخلوق ءِ اوفتا علاقہ غاتے ٹی جان جوڑی نا آسراتی فراوان کننگ کن کوشست کننگ اُن۔ داڑآن بھلا ہسپتال آتیا زور کم مریک۔ ڈاکٹر فیصل سلطان پارے کہ سسٹم اٹ گچینی کن ساڑی خامی تے مر کینہ و گچین طبی آسراتی تے پک کننگ ننا مشن ءِ۔ اوپارے کہ غٹ جان جوڑی نا بنداوی ہند و رورل ہیلتھ سینٹر ءِ ہم اپ گریڈ کننگ اُن۔ ڈاکٹر فیصل سلطان الس آن خواست کرے کہ کورونا غان بچنگ کن ویکسین خلفر۔ اوپارے کہ الس ءِ آسراتی تننگ کن بنداوی ہیلتھ سینٹر ء، گچین آسراتی تننگ اُن، جان جوڑی نا بنداوی ہند آتے ٹی آسراتی آن بھلا ہسپتال آتیا بھاریم کم مریک، جان جوڑی نا بنداوی ہند آتیا چکار کرسا جان جوڑی نا بشخ ءِ گچین کننگ مریک۔
