اقوام متحدہ۔ 26 اکتوبر (اے پی پی) پاکستان اقوام متحدہ نا سیکرٹری جنرل انتونیوگوتریش نا سوگو جہانی کمکاری آ مبنی رپورٹ آ شرہ ٹی جھیڑہ غاتا ایسر ی و خیرءِ مون آ دننگ نا گرج آ زور شاغا ہرا جہانی کمکاری نا آخبت نا بابت اونا وژن نا تعین ءِ کیک۔ اقوام متحدہ ٹی پاکستان نا آخبتی مندوب منیر اکرم اقوام متحدہ نا سیکرٹری جنرل انتونیوگوتریش نا تدوک آ تُو’’ ننا اسیجائی ایجنڈا‘‘ نا سرحال آ تدوک آ تُو جاری مروک آ رپورٹ آ تدوک آ دے جنرل اسمبلی ٹی شرہ ٹی گپ وتران کرسا پارے کہ سیکرٹری جنرل تون اختیار ارے و اودے چارٹرنا رداٹ داوڑنا جھیڑہ غاتا ایسر و جھیڑہ نا خیرءِ مون آ دننگ کن تینا اختیار ءِ پورو وڑاٹ کاریم اٹ اتنگے۔ دارپورٹ کثیر الجہتی معاہدہ غاتے سوگو و ترند کننگ کن گام گیج آتا سوب ءِ ہراٹی خاص وڑاٹ 2030 نا شونداری ایجنڈا و مخلوق نا زند اٹ پیدوار پرخ ودی کننگ اوار ءِ۔ پاکستانی مندوب منیر اکرم پارے کہ جھیڑہ غاتا توننگ و مخلوق نا رکھ انا گچین وڑ اقوام متحدہ نا چارٹرو جہانی کانود نا اصل آتا جہانی پابندی و شرف ءِ مون آدننگ ءِ۔ اوپارے کہ ننا اسیجائی ایجنڈاٹی اینو نا دور اٹی سرایت کروک آ بے بریبری نا واقعہ غاتا توننگ آہم چکار کننگے ہرا شونداری ءِ توننگ و جھیڑہ غاتا بنداوی سوب ءِ وخت اس کہ دا بنداوی سوب آتے ٹی فوجی و اقتصادی واک انا اسہ کنڈ کاریم اٹ اتنگ و بے بریبری و غیر منصفانہ سیاسی یا اقتصادی نتیجہ غاتے کن جور، واک انا کاریم اٹ اتنگ، فوجی نیام تمنگ، کوزہ نادھڑکو نا پدریسہ سیبو ہلنگ و اسہ ہندن ءُ جہانی واپاری و مالیاتی نظام اس ٹہیفنگے ہراڑآن چنکا و نزور ریاست وقوم تا برخلاف بے بریبری ءِ برقرار تخنگ مرے ہم اوار ءِ۔
