کوئٹہ۔ 26 اکتوبر (اے پی پی) گورنر بلوچستان ظہور احمدآغا پارینے کہ ہنرروزگار میلہ 2021 بھاز جوان ءُ موقع اس فراوان کننگ ءِ و اسہ ہندن ءُ پلیٹ فارم اسے نا وڑاٹ کاریم کننگ ءِ ہرا اہل ملازمت نا پٹوک آ بندغ آتے ، ہراخاص وڑاٹ ووکیشنل و ٹیکنیکل بشخ آتے ٹی تربیت یافتہ ءُ، صف اول نا انٹرپرائزز نا پنی آ ریکروٹرز و ہیومن ریسورس پروفیشنلز تون رابطہ غاتا موقع اس فراوان کیک۔ داخیال آتا درشانی ءِ او ہنرروزگار میلہ 2021 نا دود انا وخت آ گپ وتران کرساکرے۔ اومستی پارے کہ ٹی وی ای ٹی ایس ایس پی کون آ پروگرامک کمیونٹی نا راجی و اقتصادی شونداری ٹی فیصلہ کن کڑد ادا کننگ ءُ و اوورناتے ٹی شعور تالان کننگ ءُ تانکہ او تینا ہیل کروک آ کسب ءِ پاکستان نا علاقائی و قومی شونداری ٹی گچین وڑاٹ کاریم اٹ اتنگ کیر۔ داوخت آ پاکستان اٹ یورپین یونین نا سفیر اینڈرولاکامینارپارے کہ ’’ٹی وی ای ٹی ‘‘ سیکٹر ءِ سپورٹ کننگ نا ننا حتمی ہدف دادے کہ پاکستان اٹ ورنانرینہ و نیاڑی تے جوان ءُ روزگار اس ملے و او ملک انا اہم گرج یعنی جم زرگزرانی شونداری کن تینا کڑد ءِ ادا کننگ کیر اینو نا ایونٹ ظاہر کیک کہ ٹی وی ای ٹی سسٹم اٹ نوکری فراوان کروک آتے اوار کننگ نا کوشست آتا گچین ءُ نتیجہ اس پیش تمانے۔ مسٹراولاف ہینڈ لوگٹن ، جی آئی زیڈ پاکستان نا گچین ملازمت آتے کن تربیت و پائیدار شونداری نا کلسٹر کوآرڈینیٹر ٹی وی ای ٹی سیکٹر سپورٹ پروگرام نا کوشست آتا بارواٹ پارساپارے کہ ’’13 جتا ٹی وی ای ٹی انسٹی ٹیوٹس آن کم وود 950 گریجویٹس اینو بیرہ اسہ دے اٹی 400 خورک ملازم آتا دوئی کننگ نا چرجوئی ٹی 34 قومی و کثیر القومی انٹرپرائیزز نا ریکروٹمنٹ سٹالزآ روزگار نا چندی وارخواہی کن کارہ۔
