لوک ورثہ، 27 اکتوبر آ کشمیری الس تون یکجہتی نا درشانی ءِ کننگ کن بلیک ڈے انا وڑاٹ اڈتننگک

اسلام آباد۔ 26 اکتوبر (اے پی پی) ہرسال حکومت پاکستان نا کنڈآن وزارت کشمیر افیئرز وگلگت بلتستان نا پارت آتا رداٹ 27 اکتوبر آمقبوضہ کشمیر اٹی بھارتی ظلم و بربریت و ناروا کوزہ غا بلیک ڈے انا وڑاٹ اڈتننگک۔ اینخو نا سال ہم لوک ورثہ دابابت 27 اکتوبر آ مظلوم کشمیری الس تون یکجہتی نا درشانی ءِ کننگ نا وڑاٹ پبی وڑاٹ اڈتننگ نا پروگرام شین تسنے ہرافتے ٹی مقبوضہ کشمیر نا مظلوم الس آ کروک آ بھارتی فوج انا ظلم ءِ مچ آ دنیاءِ نشان تننگ کن اسہ عکسی نمائش اسے نا بست وبند کننگانے ہراٹی کشمیری تاآجوئی نا جہد و بھارتی فوج انا ظلم و بربریت نا عکاسی ءِ کننگانے۔ داکان بیدس مقبوضہ کشمیر آ اسہ ویڈیو ڈاکومینٹری اس ہم نشان تننگک و لوک ورثہ کمپلیکس اٹ کشمیری الس نا جہد آجوئی نا مخ تفی ٹی چندی سرحال نا نعرہ غاتیا مبنی بینرہم خلنگ تون اوار اوار مون ءُ بیرک ہم چست کننگک۔