اسلام آباد۔25اکتوبر (اے پی پی):صدرمملکت ڈاکٹر عارف علوی ءَ اسٹیٹ لائف انشورنس کارپوریشن ءَ را دو جتا جتائیں پالیسی ہولڈرز آنی جنوزام آناں انشورنس کلیم دیگ ءِ حکم دات۔ صدر ءِ مملکت ءَ بنجاھی محتسب ءِ ادارگ ءَ را جنوزام آناں زر دیگ ءِ حکم ءَ را برجا داشت ءُ اے ھوالگ ءَ اسٹیٹ لائف ءِ اپیل آناں رد کت۔ سرجمیں ھال آنی رد ءَ نگینہ فاطمہ ءَ وتی بیران بوتگیں لوگ واجہ ءَ 10 لکھ کلدار انشورنس پالیشی بھا زرتگ بوتگ ءُ 31 دسمبر 2018 ءَ 54 ہزار 890 کلدار ھمک پریمیئم داتگ۔ فروری 2019 ءَ آ بیران بوتگ ءُ آئی جنوزام ءَ آئی بیرانی ءَ پد سٹیٹ لائف انشورنس کارپوریشن ءَ چہ انشورنس کلیم ءِ واستہ رابطہ کتگ۔ سٹیٹ لائف انشورنس کارپوریشن ءَ آئی ءَ را چ نوٹس جاڑی نہ کتگ ءُ انشورنس کلیم ءَ را ریجیکٹ کتگ۔ ایشی ءَ چہ پد جنوزام ءَ وتی شکاست ءِ گیواری ءِ واستہ بنجاھی محتسب ءَ گوں رابطہ کتگ۔ ھمے رنگ ءَ ریحانہ کوثر ءِ لوگ واجہ ءَ پالیسی ءِ واستہ 4 لکھ 10 ہزار ءِ ھمک سال پریمیئم داتگ وھدیکہ جولائی 2019 ءَ آ بیران بوتگ۔ ایشی ءَ چہ پد آئی جنوزام ءَ کلیم جم کتگ بلے اسٹیٹ لائف ءَ اچ رنگیں نوٹس آئی ءَ را نہ داتگ ءُ کلیم ءَ را رد کتگ۔ ایشی ءَ چہ پد بنجاھی محتسب ءَ گوں آئی ءَ نزیکی کتگ۔ صدر ءِ مملکت ڈاکٹر عارف علوی ءَ اسٹیٹ لائف انشورنس کارپوریشن ءِ اپیل ءَ را رد کتگ ءُ گوشتگ کہ آرٹیکل 32 ءِ گوما بنجاھی محتسب ءِ کارگس ءِ جوڑیشت ءِ حکم نامہ 1983 ءَ بنجاھی محتسب ءِ کارگس ءِ ایکٹ 2013 ءَ دفعہ 14 ءِ ملارینگ ءِ چیر دستی ءَ آماچ بوتگیں مردم بنجاھی محتسب ءِ حکم نامہ ءِ ھلاپ ءَ 30 روچ ءِ اندر ءَ صدر ءِ پاکستان ءَ گوں نزیکی کت کنت۔ صدر ءِ مملکت ڈاکٹر عارف علوی ءَ اسٹیٹ لائف انشورنس کارپوریشن ءِ دو جتا جتائیں پالیشی گروک آنی جنوزام آناں انشورنس کلیم ادا کنگ ءِ حکم دات
