راولپنڈی۔ 25اکتوبر (اے پی پی):آرمی چیف جنرل قمر جاوید باجوہ ءَ گوں پاکستان ءَ کینیڈین ہائی کمشنر وینڈی گلمور ءَ دو شمبے ءَ ادا جی ایچ کیو ءَ گند ءُ نند کت۔ گند ءُ نند ءِ ساھت ءَ وت مہ وتی واھگی کار، جتا جتائیں شوبگ آنی تہ ءَ دو نیمگی کمک، ھواریں دمگی جاور ھال آں ھوار اوگانستان ءَ ایمنی ءُ برجائی ءِ سر ءَ ھیال ریچی کنگ بوت۔ پاک فوج ءِ شوبگ آنی ایس پی آر ءِ رد ءَ گند ءُ نند ءَ آرمی چیف ءَ گوشتگ کہ پاکستان کینیڈا ءِ گوما دو نیمگی یکوئی آناں برجا داران ءَ دراج بُریں ءُ شاھیگانی کنگ ءِ واھشت ءَ دار ایت۔ آرمی چیف ءَ اے گپ ءِ درشان کت کہ اوگانستا ن ءَ میاں اوستمانی تک ءَ وت مہ وتی ءِ ضلورت انت تانکہ اوگان الس آنی معاشی دیمروئی ءِ وستہ مھکمیں کوشست آنی وسیلگ ءَ ڈکالی ءَ چہ رکھگ بہ بیت۔ کینیڈین ہائی کمشنر ءَ اوگانستان ءِ جاور ھال ءُ ھاسیں رنگ ءَ درکپگ ءِ آپریشن ءَ پاکستا ن ءِ کرد ءَ را ساڑات ءُ دوئیں ملک آنی نیام ءَ گہتریں یکوئی ءِ واستہ کار جاڑی دارگ ءِ جزم ءِ درشان کت۔
