اسلام آباد۔ 25 اکتوبر (اے پی پی) اسپیکر قومی اسمبلی اسد قیصر پارینے کہ وزیراعظم تعمیرات نا بشخ اٹ خاص است خواہی ہلنگ ءِ ہنداخاطرآن او کنسٹریکشن انڈسٹری کن اسہ پرکشش ءُ پیکج اسے نا پڑو کریسس ہراٹی مچ آ ملک اٹی بھلا بھلا تعمیراتی ڈٹ آک بناکرینو، داپیکج ءِ ودفنگ کن قومی اسمبلی تون اوار ہرتعلقدار فورم آ توار بڑز کینہ تانکہ پین زرکار داڑآن فائدہ ہرفنگ کیر، گلبرگ گرین اسلام آباد کون آ تعمیراتی ڈٹ خیبرپختونخواتون اوار ایلو صوبہ غاتے ٹی بایدے بناکننگے تانکہ الس ءِ گچین لائف اسٹائل دوبرے۔ داخیال آتا درشانی ءِ او گلبرگ گرین اسلام آباد نا کنڈآن اڈ ہلوک آ اسہ دوداسے آن بطور مہمان خاص تران کرسا کرے۔ اسلام آباد چیمبرآف کامرس اینڈ انڈسٹریز نا صدر محمد شکیل منیر، سینئر نائب صدر جمشید اخترشیخ، نائب صدر محمد فہیم خان، فاؤنڈر پڑک نا چیئرمین میاں اکرم فرید، چیمبر نا مسکوہی صدر محمد اعجاز عباسی، خالد اقبال ملک، شیخ عامر وحید و باسرداؤد تون اورا ایلوفک ہم داوخت آ ساڑی ئسر۔ اسلام آباد چیمبرآف کامرس اینڈ انڈسٹریز نا صدر محمد شکیل منیر دود آن تران کرسا پارے کہ وزیراعظم تعمیراتی صنعت کن ایمنسٹی اسکیم نا پڑو کرسا اسہ مثبت ءُ فیصلہ اس کرے انتئے کہ دا پیکج نا سوب آن تعمیراتی و کاروباری سرجزآتے گچین مون آ دننگانے، حکومت دا پیکج ءِ پین ودفنگ آ سجفے۔ اوپارے کہ حکومت ہندن ءُ اسہ پین پیکج اس ایلو صنعت آتے ہم ایتے ہراڑآن صنعتی بشخ گچین شون ہلیک و زرگزران مشکل آتیان پیش تمسا گچینی نا کنڈآن کاہک۔ او ای و ایف ایگزیکٹو بلاک آتا بناءِ کننگ آ گلبرگ گرین اسلام آباد نا انتظامیہ ءِ مبارکباد پیش کرے۔ اونا پاننگ ئس کہ گلبرگ گرین اسلام آباد اٹ اسہ پوسکن ءُ اسلام آباد اسے نا وڑاٹ مون آ بننگ ءِ و مخلوق ءِ اسہ آب اٹ لائف اسٹائل اس تننگ ءِ ہراستاکڑزک۔ اوپارے کہ گلبرگ اسلام آباد نا تعمیراتی ڈٹ آتیان بھاز انگا مخلوق نا روزگار وابستہ ءِ وخت اس کہ کاروبار و زرگزران ءِ ہم فائدہ مننگ ءِ ہرا حوصلہ افزاءِ۔ آئی بی ایمپلائز کوآپریٹیو ہاؤسنگ سوسائٹی نا سیکرٹری شجاعت اللہ قریشی پارے کہ گلبرگ اسلام آباد اٹ ویلفیئر، سروسز وکوالٹی آ خاص چکار کننگ انگ ءِ۔ اوپارے کہ گلبرک نا ای او ایف ایگزیکٹیو بلاک نا ڈغار ءِ دوئی کننگانے و زوت ڈویلپمنٹ نا بناءِ کینہ وخت اس کہ بروک آ اِراسال ارتی ڈویلپمنٹ نا کاریم پورو مننگ آن مخلوق اُراتاتفنگ نا بناءِ کننگ کیک۔ اوپارے کہ ای و ایف ایگزیکٹو بلاکس اٹ اسلام آباد چیمبرآف کامرس اینڈ انڈسٹری نا باسک آتے 11 درسد چھوٹ تننگک۔ آرجے گرین نا چیف ایگزیکٹیو محمد عمران، نیویارک ریئل اسٹیٹ اینڈ بلڈرز نا منیجنگ ڈائریکٹر مشرف گلزار و آئی سی سی آئی نا مسکوہی سینئر نائب صدر محمد نوید ملک ئسک ہم دود آن تران کریر وپاریر کہ گلبرگ گرین اسلام آباد ہاؤسنگ نا بشخ اٹ اسہ پوسکن تفنگ نا وڑ ءِ درستی راستی کرفینے ہراستاکڑزک۔
