اسلام آباد ۔ 25 اکتوبر (اے پی پی) وزیراعظم نا خصوصی کمکار جان جوڑی ڈاکٹر فیصل سلطان پارینے کہ پاکستان اٹ پولیو نا چٹفنگ کن کوشست مننگ ءِ۔ پاکستان پولیو سرویلنس اٹ حددرجہ گچینی ایسونے۔ داخیال آتا درشانی ءِ او پولیو نا بابت بڑزکو کہولی ڈل اتون اوڑدہی ٹی کرے۔ ڈل ڈاکٹر فیصل سلطان ءِ سرویلنس ریویو نا سرجم آتیان معلومدار کننگا۔ ڈاکٹر فیصل سلطان پارے کہ پاکستان پولیو نا چٹفنگ نا خڑک آٹے و داروشنا وخت ءِ زیان کننگپ۔ اوپارے کہ گچین حکمت عملی آن دین انا مون ءِ توننگانے۔ اوپارے کہ کورونا دین آن پد ہم پولیو پروگرام گچین مہم اڈتس۔ اوپارے کہ گچین سرویلنس ریویو آ ٹیم انا منت واری ءِ ہرفیوہ۔ ڈاکٹر فیصل سلطان پارے کہ پولیو فری پاکستان نا ہدف ءِ دوئی کننگ کن غٹ وسیلہ غاتے کاریم اٹ اتنگ انگ ءِ۔
