اسلام آباد۔ 25 اکتوبر (اے پی پی) صدر آزاد جموں و کشمیر بیرسٹر سلطان محمود چوہدری پارینے کہ مقبوضہ کشمیر نا الس ءِ دا باور کرفنہ کہ مچ آ دنیا ٹی کشمیری ہرفورم آ اوفتا توار ءِ سرکینہ و نن مقبوضہ کشمیر نا شہید آتے ہم خراج عقیدت پیش کینہ کہ اوفتا دتر زیان مفک و اوفتا قربانیک زوت رنگ اس اتیرہ و مقبوضہ کشمیر اٹی برجا بھارتی بربریت و ظلم انا تہار آ نن زوت چٹک،مقبوضہ کشمیر آ بھارت نا غاصبانہ کوزہ چٹک و مقبوضہ کشمیر انشاء اللہ زوت آجومریک۔ ای ہراڑے مچ آ دنیا ٹی کشمیرنا آجوءی کن کاریم کننگ اُٹ ہموڑے آزاد کشمیر نا شونداری و شونہالی و الس نا شونہالی کن ہم ہروخت کوشست کننگ اٹی اُٹ تانکہ الس نا زند انا آب گچین مرے۔ داڑے ملوک آ پریس ریلیز نا رداٹ داخیال آتا درشانی ءِ او برمنگھم اٹی یوم تاسیس نا بابت اڈ ہلوک آ اسہ دود اسے ٹی بطور مہمان خاص تران کرسا کرے۔ دود انا کماشی ءِ چوہدری خادم حسین کرے۔
