بیجنگ۔ 25 اکتوبر (اے پی پی) چین اٹی پاکستانی سفارت خانہ پاکستان و چین نا نیام اٹ سفارتی تعلقداری نا 70 می سال دے آ خصوصی دود اس اڈتننگا ہراٹی سفارت خانہ ٹی چندی بشخ آتے ٹی چینی عملہ نا خذمت آتے امنا و اوفتا ستاءِ کننگا۔ دود اٹی چینی عملہ نا خاہوت، میڈیا نا نمائندہ و سفارت خانہ غاتا آفیسر آک ساڑی ئسر۔ داوخت آ چین اٹی پاکستان نا سفیر معین الحق سفارت خانہ نا بھلو وخت اسے آ مبنی خذمت و پاکستان کن دوستانہ و اروگرم جوش جوزہ غاتے کن چینی عملہ ءِ خراج تحسین پیش کرے۔ اوپارے کہ چین و پاکستان نا نیام اٹ برادرانہ تعلقداری ہڑتوم آ ملک آتا اسہ ایلو کن دوستانہ جوزہ، تین پہ تینی شرف و تفہیم آ مبنی ءِ۔ اوپاکستان و چین نا دوستانہ تعلقداری نا مون آ دننگ کن چینی عملہ نا کڑد انا ستاءِ کرسا اومیت ظاہر کرے کہ چینی الس آخبت اٹ ہم پاک چین سنگتی ءِ پین کڑمب کننگ کن تینا کوشست آتے برجاتخک۔ دود اٹی مرکزی چینی عملہ و اوفتا خاہوت ءِ ایوارڈ تننگا و وفتے سفتی سند و سووینرز پیش کننگا۔
