اسلام آباد۔24اکتوبر (اے پی پی ۔ بنجاھی وزیر برائے نیک راھی کار صاجبزادہ نورالحق قادری ءَ گوشت کہ حکومت ءُ بندش جتگیں پارٹی تحریک لبیک پاکستان، ٹی ایل پی ءِ نیام ءَ سول ءُ تران کامیاتی ءِ نیمگ ءَ جنزگ ءَ انت۔ جاک کنوک سئے شمبے ءَ تاں وتی جاک ءَ ریکاٹ کنائین انت۔ یک شمبے ءِ روچ ءَ وتی یک بیانے ءِ تہ ءَ بنجاھی وزیر ءَ گوشت کہ سہب ءَ تاں کشک پچ کنائینگ بنت۔ پولیس ءُ جاک کنوک آنی نیام ءَ اچ رنگیں ارش کنگ نہ بوھگ ءَ انت۔ حکومت ءَ جاک آنی توامیں لوٹ آناں گوشداشتگ ، جاک کنوک ھرکجا انت آھودا جاک ءَ جاڑی دار انت، لوٹ آنی پیلو بوھگ ءَ چہ پد جاک کنوک ایمنی ءَ گوں جاک ءَ را ھلاس کناں۔ آئی ءَ گوشت کہ لوٹ کانود ءِ رد ءَ گیواری کنگ ءِ دل یکیمی کتگ، جاک ایمنی ءَ گوں بیت ءُ کشک پچ بنت، ایمن بوھگ ءِ رنگ ءَ پولیس ءُ سیکورٹی ادارگ جاک ءِ ھلاپ ءَ اچ رنگیں کاروائی ءُ پینگ نہ جناں، جیڈھ آناں وت مہ وتی تپاکی ءِ گوما گیوار کنگ بیت، حکومت جاک ءِ ریلی ءِ لوٹ آناں پکوئی ءُ دل یکیم بوھگ ءِ ھوالگ ءَ چار ءُ بچار ءُ شور ءُ مشور کنت۔
