اسلام آباد۔24اکتوبر (اے پی پی): وزیر ءِ تہی کار شیخ رشید احمد ءَ گوشتگ کہ حکومت ءُ بندش جتگیں پارٹی تحریک لبیک پاکستان، ٹی ایل پی ءِ نیام ءَ سول ءُ تران مزنیں کساس منوگر کنگ بوتگ، جاک ءُ کوکار سیاسی پارٹی آنی ھک انت۔ پی ڈی ایم ھمک سال نومبر ءُ دسمبر ءَ ایکسرسائز کنت انت ءُ جنوری ءَ تاں اے ایمن بنت، حکومت وتی کانودی وھد ءُ پاس ءَ سرجم کنت، راولپنڈی ءُ اسلام آباد ءَ آباتی گیش انت، اسلام آباد انتظامیہ ءَ را پنت ءُ شون کنت کہ آ کنٹینر آں دور بکن ات۔ یک شمبے ءِ روچ ءَ ادا پریس کانفرنس ءَ گوں گشتانک دیان ءَ وزیر ءِ تہی کار شیخ رشید احمد ءَ گوشت کہ مزن وزیر جاک ءُ کوکار ءِ ھمک ساھت ءُ کترہ ءِ بابت ءَ سرپد انت، اسلام آباد انتظامیہ ءَ را پنت ءُ شون کناں کہ کنٹینرز سڑک آنی سر ءَ دور کنگ بہ بنت۔ سئے شمبے ءُ چار شمبے ءَ تاں بندش جتگیں پارٹی ٹی ایل پی ءِ کیس آناں واپس زوران ءَ فورتھ شیڈدول ءَ چاراں۔ آئی ءَ گوشت کہ بندش جتگیں پارٹی ءِ کارندہ آنی گوما گپ ءُ تران بوتگ۔ آوانی گوما کلاکے ءَ تاں شور ءُ مشور کنگ بوتگ۔ فرانس ءِ سفیر ءِ جیڈھ ءَ را راجی اسمبلی ءَ براں، ایمنیں جاک ءُ کوکار توامیں سیاسی گل آنی ھک انت، من سیاسی ورکر ءِ آں، توامیں سیاسی گل آں گوں سول ءُ تران ءِ واستہ تیار آں۔ آوانی بُکگ راست انت، آواناں شش ماہ ءَ چہ گوشدارگ نہ بوتگ۔ آئی ءَ گوشت کہ بندش جتگیں پارٹی ءِ مردم وزارت ءِ تہی کار ءَ گپ ءُ تران ءِ واستہ کاینت۔ یک جستے ءِ پسو ءَ آئی ءَ گوشت کہ مارا میاں اوستمانی گران بھائےی ءِ گوم دیم پہ دیمی کنگ کپگ ءَ انت ایشی ءَ چہ لس مھلوک آماچ بوھگ ءَ انت۔
