پاکستان میاں اوستمانی برات آنی نیام ءَ یکجائی ءَ یونائیٹڈ نیشن ءِ  جوڑیشت ءِ سالروچ  ءَ برجم  دارگ  ءَ انت، شاہ محمود قریشی

اسلام آباد۔24اکتوبر (اے پی پی) : وزیر ءِ  درئی کار شاہ محمود قریشی ءَ گوشت کہ پاکستان میاں اوستمانی برات آنی گوما مرچی یونائیٹڈ نیشن ءِ  جوڑیشت ءِ ھپتاد ءُ ششمی سالروچ ءَ برجم  ءَ انت، میاں اوستمانی ایمنی ءُ سلامتی ، مھکمیں دیمروئی ءُ درستانی واستہ ھمکچیں بنی آدمی ھک آنی دیمروئی ءُ یونائیٹڈ نیشن ءِ  ارزشت ءِ واستہ ما مدام مھکمیں  جزم ءُ  پکوئی ءِ درشان کتگ۔   یک شمبے ءِ روچ ءَ یونائیٹڈ نیشن  ءِ موہ ءَ  وتی کلوہ ءَ وزیر ءِ درئی کار ءَ گوشت کہ قائداعظم محمد  علی جناح ءِ  سانائی ءَ چہ رستگیں  رھشونی ءُ جوزگ ءِ چیر دستی ءَ پاکستان ءَ مدام یونائیٹڈ نیشن ءِ منشور ءَ را  برز ءُ بلند کتگ۔