مدینہ منورہ۔23اکتوبر (اے پی پی ) مزن وزیر عمران خان ریاض ءَ بوھوکیں مڈل ایسٹ گرین انیشیٹو ) ایم جی آئی سروک دیوان ءَ بھر زوری ءِ واستہ سئے روچ ءِ 23 تاں 25 اکتوبر ءَ سرکاری تر ءُ تاب ءِ ھاترا مدینہ منورہ ءَ پج ات، وزیر ءِ درئی کار شاہ محمود قریشی، وزیر ءِ ھاٹیگ حماد اظہر ءُ ھاسیں کمکر موسم ءِ مٹ ءُ بدلی ملک امین اسلم ءِ ھمبراھی ءَ ائیر پورٹ ءَ پج ات ایشی ءَ پد آئی ءَ نائب گورنر شہزادہ سعود بن خالد الفیصل ءَ آئی ءَ را وش اتک کت۔ مزن وزیر عمران خان مسجد نبوی ءَ بنی کریم ﷺ ءِ روضہ ءِ سر ءَ حاضری دات۔ مزن وزیر عمران خان ولی زمانگ شہزادہ محمد بن سلامان بن عبدالعزیز ءِ داتگیں دعوت ءِ پد ءَ سعودی عرب ءِ تر ءُ تاب ءَ کنت ءُ سعودی سروک آنی گوما دو نیمگی گند ءُ نند کنت۔
