اسلام آباد۔23اکتوبر (اے پی پی):پاکستان ءَ شمبے ءِ روچ ءَ امریکہ ءِ میڈیا ءِ اے رپوٹ کہ اوگانستان ءَ اردی ءُ انٹیلی جنس آپریشن ءِ واستہ بالی سیم سر آنی کارمرزی ءِ موہ دیگ ءِ واستہ امریکہ ءِ گوما اچ رنگیں منوگری نہ بوتگ اے توامیں گپ آناں رد کتگ۔ سی این این ءِ ھال رسانک آنی ھوالگ ءَ آدینگ ءَ شنگ بوتگ یک رپوٹ ءِ تہ ءَ گوشگ بوتگ کہ جوبائیڈن انتظامیہ ءَ گوشتگ کہ آ اوگانستان ءَ اردی ءُ انٹیلی جنس آپریشن کنگ ءِ واستہ بالی سیم سر آنی کارمرز کنگ ءِ واستہ منوگری کنگ ءِ نزیک ءَ انت۔ پدا ھم امریکی میڈیا ءَ اے گپ ءِ پسو ءَ درئی کارانی کارگس ءِ ترجمان ءَ گوشتگ کہ اے وڑیں منوگری نیست۔ ترجمان ءَ گوشتگ کہ پاکستان ءُ امریکہ ءِ دمگی سلامتی ءُ ناشرکاری ءِ بابت ءَ باز کوھنیں کمک یک ءُ دگر ءَ ات ءُ دوئیں پریک یک شل ءَ شو ءُ مشور ءَ دزگٹ بوتگ انت
