راولپنڈی۔23اکتوبر (اے پی پی):پاکستان مراکش دو نیمگی ایکسرسائز 2021 شمبے ءِ روچ ءَ گڈ بوت ایشی ءِ توک ءَ دوئیں ملک آنی ھاسیں ارد آں بھر زوری کتگ، گڈی مراگش ءَ نیشنل کائونٹر ٹیررازم سینٹر (این سی ٹی سی) پبی ءَ برجم بوت۔ پاک فوج ءِ شوبگ یکوئی آئی ایس پی آر ءِ نیمگ ءَ جاڑیگیں پریس ریلیز ءِ رد ءَ ایکسرسائز ءِ ساھت ءَ مراکش ءُ پاکستان ءِ اسپیشل فورسز آں ناشرکاری ءِ ھلاپ ءَ کاروائی ءَ ھوار جتا جتائیں ازمکاری ایکسرسائز کت ایشی ءِ تہ ءَ کورڈن اینڈ سرچ، کمپاونڈ کلیئرنس ، وتی دیم ءَ جھڑپ، فاسٹ روپنگ، ریپلنگ ءُ ایندگر ازمکاری ھوار انت۔ پریس ریلیز ءِ تہ ءَ گوشگ بوت کہ اے دوئیں ملک آنی نیام ءَ اولی یکجائی ایکسرسائز انت۔ اے ھیل کاری ایکسرساز آنی مول ءُ مراد ناشرکاری ءِ شوبگ ءَ وت مہ وتی تجروبت آنی سر ءَ ھیال ریچی ، گہتریں ازمکاری ایکسرسائز کنگ ءُ دوئیں ملک آنی ارد آنی نیام ءَ کمک آناں ودینگ انت۔
