اسلام آباد۔23اکتوبر (اے پی پی):صدرمملکت ڈاکٹر عارف علوی ءَ ناشرکاری ءِ جتا جتائیں واکیہ ءَ شہید بوھوکیں پاک فوج ءِ ورن آں گمیگیں ھاندان ءَ را شمبے ءِ روچ ءَ ٹیلی فون کت ءُ پشمندگ آں گوں دلپدردی ءِ درشان کت۔ صدر ءِ مملکت ءَ 17 اکتوبر ءَ شمالی وزیرستان ءَ شہید بوھوکیں سیف اللہ خٹک ءِ گس ءِ مردم آناں ٹیلی فون کت۔ آئی ءَ محمد فہد ءُ تنویر احمد ءِ گس ءَ فون کت ءُ ھدا مرزی 5 اکتوبر ءَ شمالی وزیرستان ءَ یک تراکے ءِ تہ ءَ شہید بوتگ۔ اے ٹیلی فون صدر مملکت ءَ پاک فوج ءِ شہید بوھوکیں ورنا آنی گس ءَ کت ءُ گم ءِ درشان ءُ گوشت کہ اے ساھت ءَ سرجمیں راج شمے گم ءَ ھمکچ ءَ ھوار انت۔ صدر ءِ مملکت ءَ 4 اکتوبر ءَ شمالی وزیرستان ءَ شہید بوھوکیں سپاھی عامر اقبال ءِ گس ءَ ھم ٹیلی فون کت ءُ گم ءِ درشان کت۔
