واشنگٹن۔23اکتوبر (اے پی پی):امریکہ ءِ تر ءُ تاب ءَ اتکگیں پاکستان ءِ بنجاھی وزیر برائے منصوبگ بندی، دیمروئی ، گہتری ءُ ھاسیں گامگیج ، اسد عمر ءِ امریکی محکمہ درئی کار ءِ کوآرڈینیٹر برائے گلوبل کوویڈ رسپانس ءُ ہیلتھ سیکورٹی، گیل ای سمتھ ءِ گوما سفارتخانہ پاکستان ، واشنگٹن ڈی سی ءَ ورچول میٹنگ کت ءُ کوویڈ-19 ءِ ھلاپ پاکستان ءِ گامگیج ءَ گوں سرپد کت۔ پاکستانی سفارت خانہ ءِ نیمگ ءَ جاڑی بوتگیں بیان ءِ رد ءَ بنجاھی وزیر اسد عمر ءَ گیل ای سمتھ ءَ را ویکسینیشن گامگیج ءَ ھوار کوویڈ-19 ءِ ھلاپ ءَ تاوان پاکستان ءِ کوشست ءُ گامگیج آنی بابت ءَ سرپد کت۔ بنجاھی وزیر ءَ پاکستان ءَ کوویڈ 19 ءِ ءِ رسپانس ءَ کمک ھاسیں رنگ ءَ کوویڈ ویکسین ءِ پجاری ءِ پد ءَ امریکی حکومت ءِ شگر ءُ منت گپت۔ دوئیں پریک آں دو نیمگی ھاسیں رنگ ءَ جان سلامتی شوبگ ءِ تہ ءَ کمک آناں گیش ودینگ ءِ سر ءَ سرجمیں ھیال ریچی کت۔
