کراچی۔22اکتوبر (اے پی پی):گورنر سندھ عمران اسماعیل ءَ گوں ترک پروڈیوسر ایمرااے کونک ءِ سروکی ءَ ترکی ءِ شش باسکی دود ءُ ربیدگی ڈل ءَ گورنر گس ءَ گوں گند ءُ نند کت۔ آدینگ ءِ روچ ءَ جاڑی بوتگیں جار آنی رد ءَ گندل ءُ نند ءَ شاہ فلمز ءِ ایگزیکٹو پروڈیوسر ڈاکٹر جنید علی شاہ ، ممبر صوبائی اسمبلی ڈاکٹر عمران علی شاہ ءُ ڈاکٹر کاشف انصاری ھم اے موہ ءَ ساڑی ات۔ گتند ءُ نند ءَ اسلامتی ءُ پاکستانی تاریخ ءِ ارزشتی ایں واکیہ ءُ کارست آنی سر ءَ تامر جوڑ کنگ ءِ ھولگ ءَ سرجمیں گپ ءُ تران کنگ بوت۔ گورنر سندھ ءَ گوشت کہ ورنائیں باندات آناں اسلامتی تاریخ ءِ بابت ءَ سرپدی پجاری کنگ ءِ واستہ نوکیں رسانک در آناں کارمرز کنگ لوٹ ایت۔ آئی ءَ گوشت کہ ھمروچگیں نمونگ ءِ بن گپ آں چہ جتا ئیں مالوم داری ءُ وت دوستی ءِ واھگ آنی رد ءَ کسمانک ءُ تامر جوڑ کنگ ءِ سک ضلورت انت۔ گورنر سندھ ءَ گیش گوشت کہ ایشی ءَ چہ ناں ایوک ءَ پاکستانی تامری پڑ ءَ را دیمروئی رسیت بلکینگ ءَ الس آناں تاریخی مالوم داری آنی رد ءَ کد ءُ بالادی کسمانک ءُ تامر ھم پجاری بوت بہ کنت۔
